ວຽກ 03 ອົງການຈັດຕັ້ງ

ໃນຕອນບ່າຍຂອງວັນທີ 25 ກັນຍາ 2023 ທີ່ສູນ RTC ຄສຄ ມຊ ໄດ້ມີການຈັດກອງປະຊຸມໃຫຍ່ຜູ້ແທນຊາວຫນຸ່ມຫນ່ວຍສຳນັກງານຄະນະບໍດີຄສຄ,​ ເຊິ່ງໃຫ້ກຽດເປັນປະທານໂດຍ ສຫ ອຸດອນ ວົງສົມມີ ຄະນະພັກຫນ່ວຍສຳນັກງານຄະນະບໍດີຄສຄ,​ ສຫ ລິນທາ ຈັນທະລີມາ ເລຂາຊາວຫນຸ່ມຮາກຖານຄສຄ, ຫົວໜ້າຫນ່ວຍ 3 ອົງການຈັດຕັ້ງ ຫນ່ວຍສຳນັກງານຄະນະບໍດີ,​ ບັນດາຜູ້ຕາງຫນ້າຫນ່ວຍຊາວຫນຸ່ມພາກວິຊາຕ່າງໆ ພ້ອມທັງສະມາຊິກຊາວຫນຸ່ມໜ່ວຍສຳນັກງານຄະນະບໍດີເຂົ້າຮ່ວມ ເຊິ່ງລວມຜູ້ເຂົ້າຮ່ວມທັງຫມົດ 18 ທ່ານ,​ ຍິງ 7 ທ່ານ.
ຈຸດປະສົງຂອງກອງປະຊຸມດັ່ງກ່າວແມ່ນເພື່ອ 1) ຜ່ານບົດສະຫລຸບການເຄື່ອນໄຫວວຽກງານຊາວຫນຸ່ມຫນ່ວຍສຳນັກງານຄະນະບໍດີ ໄລຍະ 5 ປີ (2019-2023) ແລະ ຜ່ານແຜນການ 5 ປີຕໍ່ຫນ້າ (2023-2028), 2) ມອບ-ຮັບໃບຢັ້ງຢືນ 4 ບຸກ ປະຈຳປີ 2022 ໃຫ້ແກ່ບັນຫາຫນ່ວຍຊາວຫນຸ່ມຮາກຖານຄສຄ,​ ແລະ 3) ທາບທາມຄະນະຊາວຫນຸ່ມຫນ່ວຍສຳນັກງານຄສຄເພື່ອກະກຽມໃສ່ກອງປະຊຸມໃຫຍ່ຂອງຊາວຫນຸ່ມຮາກຖານຄສຄ. ພິທີດັ່ງກ່າວໄດ້ດຳເນີນໄປຕາມວາລະ ແລະ ສຳເລັດຢ່າງຈົບງາມ.​

ໃນຕອນເຊົ້າຂອງວັນທີ 07 ທັນວາ 2020 ຮາກຖານຊາວໜຸ່ມ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໄດ້ຈັດພິທີມອບໃບຍ້ອງຍໍໃຫ້ແກ່ຊາວໜຸ່ມທີ່ພົ້ນອາຍຸກະສຽນ ແລະ ຮັບສະມາຊິກຊາວໜຸ່ມໃໝ່ທີ່ຫ້ອງປະຊຸມສູນ RTC ຄະນະວິທະຍາສາສັງຄົມ; ພາຍໃຕ້ການເປັນປະທານຂອງທ່ານ ລິນທາ ຈັນທະລີມາ ເລຂາຊາວໜຸ່ມຮາກຖານຄສຄ ແລະ ໃຫ້ກຽດເຂົ້າຮ່ວມໂດຍທ່ານ ນ. ທໍາ ນັນທະວົງສາ ຄະນະພັກຮາກຖານຄະນະວິທະຍາສາດສັງຄົມຜູ້ຊີ້ນຳວຽກງງານ 3 ອົງການຈັດຕັ້ງຄສຄ, ທ່ານ ນ. ຈັນທະຈອນ ສິງຫາລາດ ປະທານສະຫະພັນແມ່ຍິງຮາກຖານຄສຄ, ພ້ອມທັງຄະນະຊາວໜຸ່ມຮາກຖານ, ຫົວໜ້າໜ່ວຍຊາວໜຸ່ມ, ສະມາຊິກຊາວໜຸ່ມທີ່ພົ້ນອາຍຸກະສຽນ ແລະ ສະມາຊິກຊາວໜຸ່ມໃໝ່ ລວມຜູ້ເຂົ້າຮ່ວມທັງໝົດຈຳນວນ 30 ທ່ານ. ເຊິ່ງໃນນັ້ນມີສະມາຊິກຊາວໜຸ່ມທີ່ພົ້ນກະສຽນຈຳນວນ 8 ສະຫາຍ ແລະ ສະມາຊິກຊາວໜຸ່ມໃໝ່ຈຳນວນ 10 ສະຫາຍ. ໃນຕອນທ້າຍທ່ານປະທານ ແລະ ຄະນະພັກກໍໄດ້ໃຫ້ຄຳເຫັນຕໍ່ສະມາຊິກຊາວໜຸ່ມທີ່ອາຍຸພົ້ນກະສຽນໃນການສືບຕໍ່ຊີ້ນຳ, ໃຫ້ຄຳປຶກສາ ຖ່າຍທອດບົດຮຽນໃຫ້ແກ່ຊາວໜຸ່ມຍຸກໃໝ່ ແລະ ໄດ້ໃຫ້ຄຳໂອວາດສະມາຊິກຊາວໜຸ່ມໃໝ່ໃນການສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນແບບຢ່າງທີ່ດີແກ່ມະຫາຊົນກ້າວໜ້າ ພ້ອມທັງເອົາໃຈໃສ່ປະຕິບັດຕາມກົດລະບຽບຂອງຊາວໜຸ່ມປະຊາຊົນປະຕິວັດລາວ ແລະ ນຳໄປໃຊ້ໃນການດຳລົງຊີວວິດປະຈຳວັນໃຫ້ເກີດປະໂຫຍດສູງສຸດ.

ໃນຕອນເຊົ້າຂອງວັນທີ 31 ຕຸລາ 2020 ໜ່ວຍຊາວໜຸ່ມພາກວິຊາການເມືອງ ແລະ ບໍລິຫານລັດຖະກິດ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໄດ້ຈັດກິດຈະກຳການແຂ່ງຂັນໂຕ້ວາທີ ພາຍໃຕ້ຫົວຂໍ້: “ແນວຄິດຂອງຊາວໜຸ່ມຍຸກໃໝ່ຕໍ່ການຕ້ານປະກົດການຫຍໍ້ທໍ້ໃນສັງຄົມ” ທີ່ຫ້ອງປະຊຸມອາຄານພາກວິຊາການທ່ອງທ່ຽວ ແລະ ການໂຮງແຮມ (ຫ້ອງ 207) ຄະນະວິທະຍາສາສັງຄົມ; ພາຍໃຕ້ການເປັນປະທານຂອງທ່ານ ລິນທາ ຈັນທະລີມາ ເລຂາຊາວໜຸ່ມຮາກຖານຄສຄ ແລະ ໃຫ້ກຽດເຂົ້າຮ່ວມໂດຍທ່ານ ນ. ທໍາ ນັນທະວົງສາ ຄະນະພັກຮາກຖານຄະນະວິທະຍາສາດສັງຄົມຜູ້ຊີ້ນຳວຽກງງານ 3 ອົງການຈັດຕັ້ງຄສຄ, ທ່ານ ນ. ມະນີວັນ ແສງພະຈັນ ຄະນະສະຫະພັນແມ່ຍິງຮາກຖານຄສຄ, ທ່ານ ສຸລິຍົງ ທຳມະວົງສາ ຄະນະສະຫະພັນກໍາມະບານຮາກຖານຄສຄ ພ້ອມທັງບັນດາຄູອາຈານ, ຄະນະຜິດຊອບ ແລະ ນັກສຶກສາຊາວໜຸ່ມຈຳນວນໜຶ່ງ. ຈຸດປະສົງໃນການຈັດກິດຈະກຳດັ່ງກ່າວແມ່ນເພື່ອເປັນການແລກປ່ຽນແນວຄວາມຄິດຂອງຊາວໜຸ່ມຍຸກໃໝ່ກັບການຕ້ານປະກົດການຫຍໍ້ທໍ້ທີ່ເກີດຂຶ້ນໃນສັງຄົມກໍຄືໄວໜຸ່ມໃນປະຈຸບັນ.

ກິດຈະກໍາການແຂ່ງຂັນໂຕ້ວາທີມີທັງໝົດ 6 ທີມ, ທີມລະ 4 ຄົນທີ່ເປັນຜູ້ເຂົ້າຮ່ວມແຂ່ງຂັນ ໃນນັ້ນມີທີມສຳນັກງານຄະນະບໍດີ, ທີມພາກວິຊາການເມືອງ ແລະ ບໍລິຫານລັດຖະກິດ, ທີມພາກວິຊາສັງຄົມສົງເຄາະ ແລະ ການພັດທະນາ, ທີມພາກວິຊາພູມີສາດ ແລະ ສາລະສົນເທດສາດ, ທີມພາກວິຊາປະຫວັດສາດ ແລະ ບູຮານວິທະຍາ, ທີມພາກວິຊາການທ່ອງທ່ຽວ ແລະ ການໂຮງແຮມ. ຜົນການແຂ່ງຂັນດັ່ງກ່າວປາກົດວ່າ ທີມພາກວິຊາສັງຄົມສົງເຄາະ ແລະ ການພັດທະນາ ສາມາດຍາດເອົາລາງວັນທີ 1, ສ່ວນອັນດັບທີ 2 ແມ່ນທີມພາກວິຊາການທ່ອງທ່ຽວ ແລະ ການໂຮງແຮມ ແລະ ອັນດັບທີ 3 ແມ່ນພາກວິຊາການເມືອງ ແລະ ບໍລິຫານລັດຖະກິດ ສ່ວນທີມທີ່ເຫຼືອແມ່ນໄດ້ລາງວັນຊົມເຊີຍ. ກອງປະຊຸມດັ່ງກ່າວດຳເນີນໄປດ້ວຍຄວາມຟົດຟຶ້ນ ແລະ ສ້າງຄວາມສົນໃຈໃຫ້ແກ່ຜູ້ເຂົ້າຮ່ວມເປັນຈຳນວນຫຼາຍ.

ຄະນະຊາວໜຸ່ມຮາກຖານ ຄສຄຈັດກອງປະຊຸມແລກປ່ຽນບົດຮຽນຮ່ວມກັບ ຄະນະຊາວໜຸ່ມຮາກຖານ ກົມຈັດຕັ້ງພະນັກງານ ແລະ ກົມກວດກາ ຄມປຊ 

ໃນຕອນແລງຂອງວັນທີ 17 ກັນຍາ 2020 ຄະນະບໍລິຫານງານຊາວໜຸ່ມຄະນະວິທະສາດສັງຄົມໄດ້ຈັດກອງປະຊຸມແລກປ່ຽນບົດຮຽນຊາວໜຸ່ມຮ່ວມກັບຄະນະຊາວໜຸ່ມຮາກຖານ ກົມຈັດຕັ້ງພະນັກງານ ແລະ ກົມກວດກາ ສະຖາບັນການເມືອງ ແລະ ການປົກຄອງແຫ່ງຊາດ ທີ່ຫ້ອງປະຊຸມ 207 ທີ່ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ. ພາຍໃຕ້ການເປັນປະທານຂອງ ທ່ານ ນ. ທຳ ນັນທະວົງສາ ຄະນະພັກຮາກຖານ ຄະນະວິທະ

ຄະນະບໍລິຫານງານຊາວໜຸ່ມຄະນະວິທະສາດສັງຄົມເຂົ້າຮ່ວມກິດຈະກຳ

ການແຂ່ງຂັນກິລາເຕະບານ 4 ສາມັກຄີ

ໃນຕອນແລງຂອງວັນທີ 10 ກັນຍາ 2020 ຄະນະບໍລິຫານງານຊາວໜຸ່ມ ແລະ ຄູອາຈານພາຍໃນຄະນະວິທະສາດສັງຄົມ ໄດ້ເຂົ້າຮ່ວມກິດຈະກຳການແຂ່ງຂັນກິລາເຕະບານ 4 ສາມັກຄີ ທີ່ເດີ່ນເຕະບານສາທິດ ພາຍໃຕ້ການນຳພາໂດຍ ທ່ານ ຮສ. ປອ ບຸນທະວີ ສໍສຳພັນ ຮອງປະທານກວດກາພັກຮາກຖານຄະນະວິທະຍາສາດສັງຄົມ. ກິດຈະກຳການແຂ່ງຂັນກິລາເຕະບານ 4 ສາມັກຄີປະກອບມີ: ຄະນະບໍລິຫານງານຊາວໜຸ່ມຄະນະວິທະຍາສາດປ່າໄມ້, ຄະນະບໍລິຫານງານຊາວໜຸ່ມຄະນະວິທະຍາສາດສັງຄົມ, ຄະນະບໍລິຫານງານຊາວໜຸ່ມຄະນະເສດຖະສາດ ແລະ ບໍລິຫານທຸລະກິດ ແລະ ຄະນະບໍລິຫານງານຊາວໜຸ່ມຄະນະອັກສອນສາດ, ໃນນັ້ນຄະນະວິທະຍາສາດປ່າໄມ້ເປັນເຈົ້າພາບໃນການຈັດກິດຈະກຳຄັ້ງນີ້, ຈຸດປະສົງຂອງກິດຈະກໍາດັ່ງກ່າວແມ່ນເພື່ອເປັນການຂ່ຳນັບຮັບຕ້ອນວັນຄູແຫ່ງຊາດ ແລະ ກອງປະຊຸມໃຫຍ່ຄັ້ງທີ IX ຂອງອົງຄະນະພັກ ກະຊວງສຶກສາທິການ ແລະ ກີລາທີ່ຈະມາເຖິງນີ້.

ສຳລັບຕາຕະລາງການແຂ່ງຂັນກິລາບານເຕະແມ່ນຄູ່ທີ 1 ເປັນການພົບກັນລະຫວ່າງ ຮາກຖານຄອສ ແລະ ຮາກຖານ ຄປມ, ສຳລັບຄູ່ທີ 2 ເປັນການພົບກັນລະຫວ່າງຮາກຖານ ຄສຄ ແລະ ຄສບຜົນການແຂ່ງຂັນກິລາບານເຕະເຫັນວ່າ ຮາກຖານຄປມ ສາມາດຍາດເອົາອັນດັບທີ 1, ຄສຄ ໄດ້ອັນດັບທີ 2, ຄອສໄດ້ອັນດັບທີ 3 ແລະ ຄສບ ໄດ້ອັນດັບທີ 4, ການແຂ່ງຂັນກິລາບານເຕະດັ່ງກ່າວແມ່ນໄດ້ດຳເນີນໄປດ້ວຍຄວາມຟົດຟື້ນ ແລະ ສໍາເລັດລົງດ້ວຍດີ.

ໃນຕອນເຊົ້າຂອງວັນທີ 22 ກໍລະກົດ 2020, ທີ່​ຄະນະ​ວິທະຍາສາດ​ສັງຄົມ ມະຫາວິທະຍາ​ໄລ​ແຫ່ງ​ຊາດ ວິທະຍາ​ເຂດ​ດົງ​ໂດກ ສະຫະພັນແມ່ຍິງຮາກຖານຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ​ໄດ້ຈັດພິທີປະຖະກະຖາ​ ເພື່ອສະເຫຼີມສະຫຼອງວັນສ້າງຕັ້ງສະຫະພັນແມ່ຍິງຄົບຮອບ 65 ປີ (20/7/1955-20/7/2020) ​ແລະ ເພື່ອສ້າງຜົນງານຂໍ່ານັບຮັບຕ້ອນ ກອງປະຊຸມໃຫຍ່ຄັ້ງທີ IV ຂອງອົງຄະນະພັກ ກະຊວງສຶກສາທິການ ແລະກີລາ, ໃນຫົວຂໍ້: ນະໂຍບາຍຂອງພັກ ຕໍ່ການພັດທະນາແມ່ຍິງ ໃນມະຫາວິທະຍາໄລແຫ່ງຊາດ ຊຶ່ງ​ໃຫ້​ກຽດ​ປະຖະກະຖາ​ໂດຍ ທ່ານ ຮສ. ປອ. ນ. ສົມຈັນ ບຸນພັນມີ ຄະນະປະຈຳພັກ, ຮອງອະທິການບໍດີ ມະຫາ ວິທະຍາໄລແຫ່ງຊາດ; ​ໂດຍ​ມີ​ເນື້ອ​ໃນ​ກ່ຽວກັບ: ວິ​ໄສ​ທັດຮອດ​ປີ 2030 ກ່ຽວ​ກັບ​ແມ່ຍິງ, ຍຸດ​ທະ​ສາດ​ສົ່ງ​ເສີມ​ຄວາມສະ​ເໝີ​ພາບຍິງ-ຊາຍ ​ແລະ ວຽກ​ງານ​ແມ່ ​ແລະ ​ເດັກ​ໃນ​ຂະ​ແໜງ​ການ​ສຶກສາ 10 ປີ (2016-2025) ​ແລະ ​ແຜນ​ດໍາ​ເນີນ​ງານ​ເພື່ອ​ຄວາມ​ສະ​ເໝີ​ພາບ​ຍິງ-ຊາຍ, ວຽກ​ງານ​ແມ່ ​ແລະ ​ເດັກ.

ພ້ອມນັ້ນສະຫະພັນແມ່ຍິງຮາກຖານ ຄະນະວິທະຍາສາດສັງຄົມຍັງໄດ້ສະຫຼຸບຜົນງານການເຄື່ອນໄຫວວຽກງານແມ່ຍິງໃນໄລຍະສົກຮຽນ 2019-2020 ທີ່ຜ່ານມາ ແລະ ຜ່ານທິດທາງແຜນການໃນຕໍ່ໜ້າໄລຍະສົກປີ 2020-2021, ເຊິ່ງສະ​ເໜີໂດຍ ທ່ານ ອຈ. ປທ. ນ. ຈັນທະຈອນ ສິງຫາລາດ ປະທານສະຫະພັນແມ່ຍິງຮາກຖານຄະນະວິທະຍາສາດສັງຄົມ.  ໃນຕອນທ້າຍ ທ່ານ ຮສ.ປອ. ເດຊານຸລາດ ແສນດວງເດດ ເລຂາຄະ​ນະພັກຮາກຖານ, ຮັັກສາການຄະນະບໍດີ ຄະນະວິທະຍາສາດສັງຄົມ ກໍໄດ້ປະກອບຄຳເຫັນຕໍ່ພິທີ. ກອງປະຊຸມດັ່ງກ່າວດໍາເນີນໄປດ້ວຍບັນຍາກາດຟົດຟຶ້ນ ຂອງການແລກປ່ຽນຄວາມຄິດເຫັນທີ່ມີລັກສະນະວິຊາການ, ຕິດພັນກັບພຶດຕິກໍາຕົວຈິງຂອງການເຄື່ອນໄຫວພັດທະນາແມ່ຍິງໃນຄະນະວິຊາ ກໍຄືມະຫາວິທະຍາໄລແຫ່ງຊາດ ແລະ ສ້າງຄວາມສົນໃຈໃຫ້ແກ່ຜູ້ເຂົ້າຮ່ວມເປັນຢ່າງດີ.

ເພື່ອເປັນການລະນຶກເຖິງວັນສຳຄັນໃນຫວັດສາດຂອງຊາດລາວກໍຄືວັນສ້າງຕັ້ງພັກປະຊາ ຊົນປະຕິວັດລາວຄົບຮອບ 65 ປີ (1955-2020), 3 ອົງການຈັດຕັ້ງມະຫາຊົນ ສະຫະພັນແມ່ຍິງ, ຮາກຖານຊາວໜຸ່ມ ແລະ ຮາກຖານກໍາມະບານໄດ້ມອບກະຕ່າໝາກໄມ້ອວຍພອນຄະນະພັກຮາກຖານ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໃນວັນຈັນ ວັນທີ 23 ມີນາ 2020 ທີ່ຫ້ອງປະຊຸມຄະນະວິທະຍາສາດສັງຄົມ (ຫ້ອງ 204) ເພື່ອຍົກສູງບົດບາດຄວາມສໍາຄັນຂອງຄະນະພັກທີ່ຍາມໃດເອົາໃຈໃສ່ໃກ້ຊິດຕິດແທດ, ໃຫ້ທິດນໍາ, ນຳພາສະມາຊິກທົ່ວຄະນະວິທະຍາສາດສັງຄົມເວົ້າລວມ ເວົ້າສະເພາະກໍຄືວຽກງານການເຄື່ອນໄຫວຂອງ 3 ອົງການຈັດຕັ້ງມະຫາຊົນຕະຫຼອດໄລຍະທີ່ຜ່ານມາ.

ຂໍອວຍພອນໄຊແດ່ຄະນະພັກ, ການນຳທຸກຂັ້ນຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ວຽກງານ, ມີຄວາມສຸກໃນຊີວິດສ່ວນຕົວ ແລະ ຄອບຄົວ ພ້ອມທັງສືບຕໍ່ຊີ້ນຳນຳພາສະມາຊິກ, 3 ອົງການຈັດຕັ້ງ ໃນການປະຕິບັດໜ້າທີ່ວຽກງານໃຫ້ໄດ້ຮັບຜົນດີຍິ່ງໆຂຶ້ນໄປ.