ໃນຕອນເຊົ້າ ວັນທີ ​30 ມິຖຸນາ 2023 ທີ່ຜ່ານມາ ຄະນະວິທະຍ​າສາດສັງຄົມ​ ມະຫາ​ວິທະຍາໄລແຫ່ງຊາດ ໄດ້ຈັດກອງປະຊຸມລາຍງານຜົນການປະເມີນຫຼັກສູດປະລິນຍາໂທວິທະຍາສາດສັງຄົມ ສາຂາ ການສຶກສາປະຊາກອນ ແລະ ການພັດທະນາ ເຊິ່ງໃຫ້ກຽດເປັນປະທານໂດຍ ທ່ານ ຮສ ປອ ເດຊານຸລາດ ແສນດວງເດດ ຮອງອະທິການ​ບໍດີ ມະຫາວິທະຍາໄລແຫ່ງຊາດ,​ ເຂົ້າຮ່ວມໂດຍບັນດາແຂກທີ່ຖືກເຊີນຈາກພາກສ່ວນອ້ອມຂ້າງ ພ້ອມທັງຄະນາຈານຈາກຄະນະວິທະຍາສາດສັງຄົມເຂົ້າຮ່ວມ.

ຈຸດປະສົົງໃນກອງປະຊຸມດັ່ງກ່າວແມ່ນເພື່ອເປັນການເຜີຍແຜ່ ແລະ ລາຍງານຜົນການປະເມີນຫຼັກສູດປະລິນຍາໂທວິທະຍາສາດສັງຄົມເປີດຫລັກສູດ​ປະລິນຍາເອກ​ສາຂາພັດທະນາສັງຄົມ ສາຂາ ການສຶກສາປະຊາກອນ ແລະ ການພັດທະນາ. ກອງປະຊຸມໄດ້ມີການສະເໜີພາບລວມ ຄວາມສຳຄັນ ແລະ ຄວາມຈຳເປັນໃນການປະເມີນຫຼັກສູດ, ພາບລວມການຮ່ວມມືກັບອົງການສະຫະປະຊາຊາດ ກອງທຶນສຳລັບປະຊາກອນ (UNFPA)  ໂດຍສະເພາະການໃຫ້ການສະໜັບສະໜູນໃນການປະເມີນປັບປຸງຫຼັກສູດ, ຍົກໃຫ້ເຫັນຂັ້ນຕອນ ແລະ ຂະບວນການປະເມີນໂດຍຫຍໍ້ ພ້ອມທັງລາຍງານຜົນການປະເມີນໂດຍປະເມີນຈາກຄະນະຮັບຜິດຊອບ ແລະ ມີຄະນະປະເມີນຈາກມະຫາວິທະຍາໄລຈຸລາລົງກອນ ປະເທດໄທ ຮ່ວມປະເມີນ ນອກນັ້ນໄດ້ມີການເປີດໂອກາດໃຫ້ຜູ້ເຂົ້າຮ່ວມໄດ້ມີຄຳເຫັນແລກປ່ຽນ ໃຫ້ຄຳແນະນຳເພື່ອນຳໄປປັບປຸງຫຼັກສູດໃນຕໍ່ໜ້າ  ກອງປະຊຸມເຜີຍແຜ່ຜົນການປະເມີນຫຼັກສູດ​ໄດ້ດຳເນີນໄປຕາມວາລະ ເປົ້າໝາຍຂອງກອງປະຊຸມ ແລະ ສຳເລັດໄປດ້ວຍດີ.